Украина ФФ терма жамоалар қўмитаси раисининг биринчи ўринбосари Владимир Лашкул Каталония термасига қарши ўртоқлик ўйини ўтказилиши мумкинлиги борасида фикр билдирди.
"Украина Каталония термаси билан ўйнаши мумкин. Улар кўпдан бер таклиф қиладилар, аммо бу ҳар доим 30 декабрга тўғри келади. Бу жуда ноқулай. Бунинг устига ФИФАнинг рухсатисиз Барселонада бундай терма жамоа билан ўйнай олмас эдик.
2012 йили шундай музокара олиб бордик ва рухсат олган эдик. Аммо негадир ўйин бўлмади. Каталонияликлар аввалига жуда-жуда хоҳлашди, кейин эса хоҳламай қўйишди.
Энди бундай вариант туғилса, ҳамма интилса, 22-23 май кунлари биз Каталония термаси билан учрашишимиз мумкин", - дейди Лашкул.
