"Бавария" бош мураббийи Хосеп Гвардиола Чемпионлар лигаси чорак финали жавоб учрашувида "Манчестер Юнайтед" устидан қозонилган ғалаба (3:1) ҳақида фикрларини билдирди.
"Чемпионлар лигасининг чторак финали бу оддий синов эмас. Бугун ҳам айнан шундай бўлди. Бу ўйин Манчестерда ўтган биринчи учрашувга ўхшаб кетди. Арьен Роббен ва Франк Риберилар иккинчи бўлимни ажойиб ўтказишди. Биз тезкор комбинациялар уюштиришга ҳаракат қилдик, бунда Томас Мюллерга бутунлай эркин ҳаракатланишга изн бердик.
Англия клубларига қарши ўйнаш ҳар доим қийин бўлган. Британияликлар анъанавий равишда савияли футбол кўрсатишади ва бўш ҳудудлар қолдирмай, қарши ҳужум уюштирадилар.
Патрис Эвра фантастик гол киритди, аммо биз дарҳол муносиб жавоб бердик. Мен ўз жамоам билан фахрланаман. Ҳамма бундеслигада ғолиб чиқиш ва стабил футбол кўрсатиш осон деб ўйлайди. Албатта, бундай эмас. Йигитлар ғалаба учун юзларидан тер оқиб, ҳолдан тойгунча ўйнашди. Улар яримфиналга ҳақли эдилар", - дея Гвардиланинг сўзларини келтиради УЕФА расмий сайти.
