"Бетис" бош мураббийи Габриэль Умберто Кальдерон Испания чемпионатида "Севилья"га қарши ўйинни бошқариб борган ҳакамлардан норози эканлигини яширмади.
0:2 ҳисобида мағлубиятга учраган ушбу ўйиннинг 27-дақиқасида унинг жамоаси ўйинчиси Хуан Карлос четлатилди ва рақиб пенальтидан ҳисобни очди.
"Гап фақат бугунги ўйин ҳақида эмас, умуман бу ерда ҳакамлик савияси ҳеч қачон яхши бўлмаган. Бу испан футболига зиён етказмоқда. Ҳар бир ўйинда нимадир содир бўлади, бугун ҳам, кўрдингиз, ҳаммаси бизга қарши бўлди.
Испанияда ҳакамлик лига савиясига жавоб бермайди. Бу ўйинда жамоасм одатдагидан кўра кескинроқ ўйнамаган эди. Биз ғалаба қозониш учун майдонга тушдик, ҳакам эса биринчи дақиқадан бошлаб бу хоҳишимизни ўлдириш учун ҳамма нарсани бажарди. Умуман, мен мағлубиятни ҳакамларга ағдаришни ёмон кўраман", - дейди Кальдерон.
