«Реал» бош мураббийи Карло Анчелотти «Барселона»га қарши бўлиб ўтган финал баҳсидан (2:1) кейин ўз фикрларини билдириб ўтди.
«Ғалабадан хурсандман. Биз тўла куч билан ўйнадик. Ўйиннинг аксарият қисмида яхши ҳаракат қилдик. «Реал» ҳақли равишда ғалаба қозонди, деб ўйлайман. Ўйин қийин кечди. Боиси, бизга қарши кучли рақиб ўйнади. Агар иккинчи бўлимдаги вазиятлардан фойдалана олганимизда ўйинни эртароқ якунлашимиз ҳам мумкин эди.
Стадионда ажойиб муҳит ҳукм сурди. Бу нафақат «Реал» учун, балки «Барселона» учун ҳам. Ҳақиқий шоу юзага келди. Бундай финалда иштирок этганимдан хурсандман.
Ютиб олинган соврин мавсум сўнгида бизга ишонч бағишлайди. Биз ажойиб мавсумни ўтказяпмиз. Дастлабки совринни қўлга киритдик, энди қолганлари учун курашиш керак», – дейди Анчелотти.