"Атлетико" бош мураббийи Диего Симеоне Испания чемпионатининг 34-турида "Эльче" устидан қозонилган ғалаба ҳақида фикрларини билдирди (2:0).
"Ўйинчилар ўз ишларини ажойиб равишда бажаришди. Энди биз сешанба кунги "Атлетико" тарихига кирадиган муҳим ўйингача тикланишимиз лозим.
"Эльче" билан оддий схемада ўйнадик. 4-4-2 схемасигга ўтганимизда хавфлироқ ўйнай бошладик. Соса голга сабаб бўлган бурчак тўпини тепди.
Чемпионатда хато қилишга ҳаққимиз йўқ деб ўйлайман. Олдимизда меҳмонда ўтадиган учта ўйин бор. Бу жуда кўп", - дейди Симеоне.
Эслатиб ўтамиз, мадридликлар сешанба куни ЕЧЛ яримфинали доирасида "Челси" билан биринчи учрашувни ўтказадилар.
