"Ливерпуль" бош мураббийи Брэндан Роджерс "Норвич" устидан қозонилган ғалабадан (3:2) сўнг ушбу мавсумда жамоанинг нечта гол уришни мақсад қилганини ошкор қилди.
"Муҳими - яна ғалаба қозондик, кўп гол урмоқдамиз. Ҳозир бизда 96 та гол бўлди, уни 100тага етказмоқчимиз. Бу жамоа учун фантастик натижа бўлган бўлар эди.
Мавсум бошида Чемпионлар лигасига илинишни истаган эдик, энди учинчи ўриндан пастга тушиб кетмаймиз. Биз охиригача курашамиз ва "Челси"га қарши ўйинга тайёрланамиз. Бу ўйинда "Энфилд"даги атмосфера ажойиб ва эсда қоларли бўлади деб ўйлайман", - дейди мутахассис.
