Ўзбекистон U-16 ўсмирлар терма жамоаси шу йилнинг 29 май – 5 июнь кунлари Озарбайжон пойтахти Боку шаҳрида ўтказиладиган «Каспий Кубоги» анъанавий турнирида иштирок этади.

Ҳисоб бўйича кетма-кет тўртинчи маротаба ўтказилаётган турнирнинг гуруҳ босқичида, Темур Олихўжаев шогирдлари Туркия ва Қозоғистон ўсмирларига қарши тўп суради.

Бу йилги «Каспий Кубоги» турнирида жами 12та терма жамоа иштирок этишни режалаштирган. Таъкидлаш жоиз, турнирдаги кўп жамоалар 17 ёшгача бўлган ўсмирлардан ташкил топган. Фақатгина Ўзбекистон ҳамда Озарбайжон ўсмирлар терма жамоалари 16 ёшгача бўлган ўсмирлар билан турнирда иштирок этади. Маълумот ўрнида, мезбон – Озарбайжон ўсмирлари турнирда икки хил ёш тоифасида иштирок этади.

Эслатиб ўтамиз, Ўзбекистон U-16 ўсмирлар терма жамоаси шу йилнинг 6-20 сентябрь кунлари Таиланд мамлакати мезбонлик қиладиган U-16 ўсмирлар ўртасидаги Осиё Чемпионатида иштирок этади. Қуръа натижаларига кўра, Олимхўжаев шогирдлари мусобақанинг «С» гуруҳида Кувайт, Непал ва КХДР ўсмирларига қарши майдонга тушади.

«Каспий Кубоги»-2014.

«А» Гуруҳи: Озарбайжон (U-17), Афғонистон Болгария;
«В» Гуруҳи: Озарбайжон (U-16), Қирғизистон, Эрон;
«С» Гуруҳи: Япония, Грузия, Тожикистон;
«D» Гуруҳи: Туркия, Ўзбекистон (U-16), Қозоғистон.

30 май. Ўзбекистон - Қозоғистон

1 июнь. Туркия – Ўзбекистон