"Реал" клубининг собиқ яримҳимоячиси Гути "Бавария" бош мураббийи Пеп Гвардиоланинг "Қироллик клуби" фалсафаси ҳақида айтганларига қарши чиқди.

Гвардиола сўзларининг бирида "Реал"нинг тарихда қарши ҳужумда ўйнаганлиги ҳақида фикр билдирган эди.

"Бу гаплари билан Гвардиола алдаяпти. Агар буни ёлғон детекторида текшириб кўрилса, унинг ёлғон гапираётганлиги маълум бўлар эди. Мен кўп йиллар "Реал"да тўп сурганман ва аксар ҳолларда жамоа тўп назоратидан фойдаланар эди.

"Бавария"га қарши бундай ўйнаш қийин, шунинг учун "Реал" тўғри тактика танлаган. Футболни гол уриш учун ўйнайдилар, тўпни назорат қилиш учун эмас", - дейди Гути.