«Пахтакор» менежери Самвел Бабаян «Динамо»га қарши ўйин ҳақида фикр билдирди.
«Бугун мезбонлар бизга жиддий қаршилик кўрсатишди. Биз эса яратилган вазиятлардан фойдаланишда оқсаяпмиз. Ғалаба қозонганимиз бизни хурсанд қилди. Иккинчи тўпни қўшиб берилган олтинчи дақиқада киритдик. Беш дақиқа қўшиб берилгач, кейин яна икки ўзгариш бўлди. "Динамо" футболчиларига ёрдам кўрсатилди. Рақиб охирга дақиқаларгача бор имкониятини намойиш қилди.
Самарқандликлар билан келишувимизга биноан ижарага берилган ўйинчилар майдонга туша олмасди. Бу нарса аввалдан белгилаб қўйилган. "Андижон"да ўйнаётган футболчилар борасида эса уларнинг ўйнаши мумкинлиги бўйича келишиб олгандик», - дея таъкидлади менежер Самвел Бабаян.
