"Арсенал" ҳужумчиси Тео Уолкот жаҳон чемпионатида қатнашиш учун тикланиш жараёнини тезлаштирмоқчи эмас.
Уолкот 4 январь куни Англия кубоги 1/32 финалида "Тоттенҳэм"га қарши ўйинда жароҳат олган ва операция қилинган. Бу каби жароҳатларнинг тикланиш муддати 6 ой.
"Жаҳон чемпионатида қатнашиш учун ўзимни уринтирмоқчи эмасман. Албатта, тезроқ соғайгим келяпти, аммо бу соғлигим учун хавфли бўлмаслиги керак. Янги мавсумнинг бошланишига тикланишга ҳаракат қиламан. Бу менинг мақсадим. Шунинг учун ёзда Жаҳон чемпионати вақтида жуда қаттиқ меҳнат қилишим керак", - дейди Уолкот.













