"Бавария" бош мураббийи Пеп Гвардиола ЕЧЛ яримфмналида "Реал"га қарши жавоб учрашуви олдидан фикрлари билан ўртоқлашди.
"Анчелоттини яхши билган ҳолда айтаман: "Реал" бизга тезкор гол уришга ҳаракат қилади. Ўйлашимча, улар 90 дақиқа дарвозалари олдида ётиб олмайдилар. Биз эса битта голдан ортиқроқ уриш кераклигини тушуниб турибмиз.
Роналду ва Бэйлга келсак, уларни жаҳоннинг энг яхши ҳимоячилари ҳам тўхтатиб қола олмайди. Биз рақибга очиқ ҳудуд қолдирмаслик учун ҳимоядан ўйнашимиз мумкин, аммо бу жарима тўплари ва жарима майдонимизга кўплаб тўп оширилишига олиб келиши мумкин.
Менимча, хавфли рақибни дарвозамиздан узоқроқда тутиб туришимиз керак", - дейди Гвардиола.
