"Ювентус" клубининг бош мураббийи Антонио Конте "Сассуоло" мағлуб этилган ўйиндан сўнг "кекса синьора" келаси турдаёқ чемпионлик масаласини ҳал қилишини билдирди.

"Ҳозир чемпионликни нишонлаш вақти эмас, чунки бизни қувиб келаётган жамоаларнинг ҳам ҳали имкониятлари бор. Биз келгуси ўйиндаёқ ҳаммасига нуқта қўймоқчимиз.

Мен "Рома"нинг ажойиб мавсум ўтказганлиги ҳақида эшитиб қолдим, аммо "Ювентус" Европа яримфиналида ва чемпионатда ҳам улардан юқорида турибди.

Пайшанба куни "Бенфика"га қарши 12 ўйинчи бўлиб ўйнаймиз, мухлисларимиз биз билан майдонга чиқишлари керак", - дейди Конте.