«Реал» ҳужумчиси Криштиану Роналду «Бавария»га қарши бўлиб ўтаётган ЕЧЛ ярим финал жавоб ўйинининг биринчи бўлимида битта гол урди (биринчи бўлимдан сўнг ҳисоб - 3:0).

Ушбу гол португалиялик футболчи учун ЕЧЛнинг ушбу мавсумидаги 15-гол бўлди. Шунча гол уриш учун жаҳоннинг энг яхши футболчисига нуфузли мусобақанинг 10та ўйинида иштирок этиши етарли бўлди.

Шу тариқа, Криштиану Роналду ЕЧЛнинг битта мавсумида 14та гол урган Лионель Месси («Барселона», 2011/12) ва Жозе Альтафини («Милан», 1962/63) натижаларини янгилади.

Криштиану Роналду "Реал" сафида ЕЧЛнинг 50-ўйинида иштирок этиб, ўз ҳисобига ҳозирча 50 та гол ёзиб қўйди.