Италия терма бош мураббийи Чезаре Пранделли жамоанинг тактикасида Балотеллисиз ҳаракат қилиш варианти ҳам борлиги ҳақидаги хабарларни изоҳлади.
"Зеедорф Балотеллининг тўқнашувлар ва ҳакамларга норозилик билдиришни камайтириб, олдинга қадам ташлаганлигини айтган эди. Бунга қўшиламан. Аммо "Рома" билан ўйиндан сўнг журналистларга қилган муомаласи унинг фойдасига ишламайди.
Футболчилар ён-атрофда бирга ишлаётганларни ҳурмат қилишлари лозим. Агар ҳар доим тажовузкор кайфиятда бўлса ҳаммаси қийинлашади. Футболчилар - фақат Балотеллимас - ўйинга қатъий аҳд ва шу билан биргаликда хотиржам бўлиб майдонга тушишлари керак.
Марионинг Италия термасидаги тарихи оддий - у ҳеч қачон асосий таркибнинг темир ўйинчиси бўлмаган. Унга ҳар доим туртки бериш керак бўлган, ана шундан сўнг майдонга тушиб, яхши ўйин кўрсатган.
ЖЧ-2014 ҳақида гапирсам, ҳеч кимга барча ўйинларда асосий таркибда тушиш кафолатламаган. Мен барча йигитларни 24 соат фақат терма жамоа ҳақида ўйлашларини кутяпман. Ким ўзини ўйласа - уйда қолади.
Балотеллисиз режа? Марио 14 гол урган - бу кам эмас. Вариантларни кўриб чиқяпмиз. Балки, "С" режамиз ҳам бўлар. Биз ҳар томонлама ҳаракат қилишимиз лозим", - дейди Пранделли.
