"Челси" бош мураббийи Жозе Моуриньо жамоасининг охирги вақтларда  ҳимоявий футболига нисбатан билдирилган танқидларга жавоб берди.

"Ҳозир футболда фантастик теорияларга эга, футболни мендан ҳам яхшироқ тушунадиган файласуфлар кўпайган. Бу қизиқ.

Аммо ҳақиқат шундай: Агар жамоа ҳимояда ёмон ўйнаса, гол урмаса ва ўзи кўп ўтказиб юборса - у фалокатга учрайди. Кучларини тенг тақсимлай олмаган жамоа - жамоа эмас.

Тўп рақибда бўлса, биз унга гол уришга ҳалақит беришимиз керак. Тўп бизда бўлганида ўзимиз гол уришга ҳаракат қиламиз. Бу футбол, мен билган футбол шу.

"Челси"да янги иш бошлаган пайтимдаги гапимни такрорлайман: Агар сизда тўпни рақиб жарима майдончасига етказиб бера оладиган Петр Чехдай посбонингиз бўлса ва Дрогбага ўхшаган, ҳаводаги барча курашларда устун кела оладиган ҳужумчингиз бўлса - нима учун майдапас футбол ўйнаш керак? Ўзингизнинг бемаънилигингиз учунми?

Агар рақибингиз қарши ҳужумда жуда яхши ўйнаса, агар унга ҳимоя чизиғингиз ортида очиқ ҳудуд керак бўлса ва сиз унга шу ҳудудни топширсангиз - сиз аҳмоқсиз", - дейди Моуриньо.