Матбуот анжуманининг иккинчи қисмида Самвел Бабаян саволларга жавоб берди.

— Биз ёмон натижага эришмадик. Биз бугун ҳисобда ортда бордик, бу режамизда йўқ эди. Умуман олганда, дуранг — яхши натижа. Биз етакчиликни сақлаб қолдик.

– «Пахтакор» бугун мавсумдаги энг яхши ўйинини кўрсатди. Нимага кучсиз рақибларга қарши жамоа шундай ўйнанаган эди. Фақат кучли жамоаларга қарши кучли ўйнайсизларми?
– Менимча, биз доим яхши ўйнашга ҳаракат қиламиз. Бугун ўйинимиз чиқди. Бошқа ўйинларда ҳам ҳаракат қилганмиз, лекин ўхшамаган.

– Самарқандда жамоа 90+8-дақиқада гол уриб ғалаба қозонган эдингиз. Пеле ва Марадона вақтида ҳамма Пелени ҳурмат қилган. Чунки у нотўғри урган голини ҳакамдан инобатга олмасликларини сўраган. Марадона эса қўли билан урган голидан фахрланган. Сиз Самарқанддаги ғалабани қандай қабул қилдингиз?
– Биз 90+6-дақиқада гол урдик. Бундан ташқари рақиб вақтни чўзди, футболчи алмаштириш бўлди. Ўйин 97,5 дақиқа давом этса ҳам бўларди тўхталишларни инобатга олганда. Биз ҳалол ғалабани қўлга киритдик.

– Захирани кучайтириш керак деб ўйламайсизми?
– Фикрингизга қўшилмайман. Бизнинг футболчилар ўйинга яхши қўшилмоқда.

– Жамоанинг голларини ҳужумчилар уришмади. Жамшид Искандеровнинг ўйинини қандай баҳолайсиз?
–  У Осиёдаги энг яхши футболчилардан бири. Бугун ҳам у ёмон ўйнамади.

– Кримец ўтган ўйинда ҳам охирги дақиқада гол урди, бугун ҳам. У алоҳида тақдирланадими?
– Бизда барча жамоа учун ўйнайди. Унинг голи ҳам жамоа учун, шунинг учун ҳамма қатори рағбатлантирилади.

Қўшимча қилиб шуни айтмоқчиманки, бугунгидай ўйинлар чемпинатимизнинг савиясини оширади. Бундай дербилар керак. Ўйлайманки, мухлислар ҳам хурсанд бўлишди.