"Хетафе" ҳужумчиси Анхель Лафита "Барселона" дарвозасига 2та гол урди ва каталонияликларни амалда чемпионлик умидидан ҳам маҳрум қилди.

Аввалги ўйинлардан фарқли равишда "Барса" ҳисобни очди, аммо хотиржамликка берилди. Натижада Лафита биринчи бўлимнинг ўзида ҳисобни тенглаштирди. Қийналиб яна ҳисобда олдинга ўтиб олди. Лафита эса қўшиб берилган дақиқаларда ўз жамоасига 1 очко келтирган гол муаллифига айланди.

Ушбу дурангда "Барселона"нинг ўзи айбдор.  Жамоа кўплаб имкониятларни кўкка совурди. Жумладан, Лионель Месси ҳам Жулио Сезар билан бирга-бир вазиятда дарвозани ишғол қила олмади.

Натижада "Барселона" деярли чемпионликдан умидини узди. Бу орқали эса Херардо Мартинонинг истеъфоси ҳам тезлашиб кетса ажабмас.

Испания Ла-лигаси, 36-тур
Барселона – Хетафе 2:2 (1:1, 1:1)
Голлар: 1:0 – 23 Месси, 1:1 – 37 Лафита, 2:1 – 67 Санчес, 2:2 – 90 Лафита.
"Барселона": Хосе Пинто, Дани Алвес, Бартра, Маскерано (Фабрегас, 66), Адриано, Педро (Тельо, 90), Хави (А.Сонг, 87), Санчес, Бускетс, Иньеста, Месси.
"Хетафе": Жакоби, Валера, Рафа, Алексис, Эскудеро, Х.Родригес, Ласен (Мичел, 86), Лафита, Саммир (П.Москера, 68), Сарабия, Колунга (Гавилан, 45).
Огоҳлантиришлар: Маскерано (36), Дани Алвес (38), Лафита (42), Гавилан (65), Адриано (90).