Франция терма жамоаси Дидье Дешам Бразилияда ўтадиган жаҳон чемпионатига борадиган 23 футболчини аниқлади.
Кутилмагани, рўйхатдан "Манчестер Сити" футболчиси Самир Насрига жой топилмаганлиги бўлди.
Насри ҳатто 28 майгача машғулотлар лагерида бўлиб турадиган етти кишилик заҳирага ҳам киритилмаган.
"Мен охирги икки йил ичида бўлиб ўтган воқеаларни кузатиб, ёрдамчиларим билан кўп маслаҳатлашиб, олдимизга қўйилган мақсадлардан келиб чиқиб, ушбу қарорга келдим.
Бизнинг мақсадимиз Франциянинг 23та энг яхши ўйинчисини йиғиб олиш эмас, балки энг яхши жамоа тузиш эди. Бизга узоқроққа боришга қодир бўлган жамоа керак.
Насри - ажойиб ўйинчи, аммо у Франция термасида "Манчестер Сити"даги ўйинларини кўрсата олмайди. У "Сити"да асосий таркиб ўйинчиси, унинг ўзи таъкидлаганидай, заҳирада ўтиришни ёмон кўради. Бу ҳақиқат, буни жамоа ичида ҳис қиланмиз. Айнан шунинг учун у таркибдан ташқарида қолди", - дея Дешамнинг сўзларини келтиради УЕФА расмий сайти.
