Бугун Испания чемпионатининг олтин баҳси бўлиб ўтишидан хабарингиз бор. Каталониянинг «Барселона» клуби ўз майдонида «Атлетико»ни қабул қилади.
Бу ўйинда Испания чемпионатининг навбатдаги ғолиби аниқланади. «Барселона» бу мавсумда ўз майдонида анча яхши ўйнамоқда. Херардо Мартино шогирдлари Ла Лига доирасидаги 18та ўйинни «Камп Ноу»да ўтказишди. Бу ўйинларда 16 марта ғалаба қозонишди, битта дуранг ва битта мағлубият. Хабарингиз бор, охирги марта «Валенсия» «Барселона»ни Каталонияда мағлуб этган эди.
Эслатиб ўтамиз, «Барселона» ҳамда «Атлетико» жамоалари ўртасидаги ўйин Тошкент вақти билан 22:00да бошланади ва сайтда жонли транлсяция қилинади.
