Самарқанд вилоят футбол федерацияси қарорига кўра вилоят иккинчи лига бахсларида иштирок этаётган “Чинор” жамоасига биринчи босқич 2-тур учрашувида ўз уйида “Бўрон” жамоасига қарши баҳсда техник мағлубият ёзилди.

Ургутликлар таркибида тегишли тартибда расмийлаштирилмаган ўйинчи  Шерзод Алиев майдонга тушгани учун “Чинор” жамоасига шундай чора кўрилди. Шу сабабли, Самарқанд вилоят футбол федерацияси иккинчи лига чемпионати регламентини бузганлиги учун “Чинор” жамоасига техник мағлубият (-:+), “Бўрон” жамоасига эса техник ғалаба (+:-) ёзилди. Яна  “Чинор” жамоаси навбатдаги ўз майдонида бўлиб ўтадиган икки учрашувни мехмонда  ўтказади.