«Бавария» бош мураббийи Хосеп Гвардиола ўтган мавсум ҳақида фикр билдирди.
«Бу менинг мураббийликдаги олтинчи, профессионал мураббийликдаги бешинчи мавсумим бўлди. Тўрт йил «Барселона»да ишлагандан кейин бу мавсум мен учун энг муҳими бўлди.
Жамоам ҳали унчалик шакллангани йўқ. Чунки футболчиларимга ҳар сафар ўйин фалсафамни тушунтиришга тўғри келмоқда. «Бавария» ўтган мавсумда ҳамма нарсани ютди, шунинг учун менга осон бўлгани йўқ.
Бу ҳали менинг «Бавария»м эмас. Мен бошқача жамоа тузишни хоҳлайман. Лекин тўртта соврин билан фахрлансак бўлади»,- дейди мураббий.
Эслатиб ўтамиз, Гвардиола «Бавария» билан Европа суперкубоги, клублар ўртасидаги жаҳон чемпионати, Германия чемпионати ҳамда Германия кубогини қўлга киритди.
