Кеча «Пахтакор» ҳамда «Навбаҳор» жамоалари ўртасидаги ўйинда мухлислар иштирокида ижтимоий акция ўтказилганидан хабарингиз бор. Бош соврин сифатида «Матиз» автомобили ўйналди. Ўйиндан кейинги матбуот анжумани бўлиб ўтгач клуб мутасаддилари «Матиз»ни ютиб олган мухлис иштирокида кичик савол-жавоб ўтказишни таклиф қилишди. Таъкидлаш жозки, бу жуда яхши иш бўлди ва ҳар хил гап-сўзларга нуқта қўйилди. Ишонинг, «Матиз» ростдан ҳам ҳалол ўйналди. Қуйида мухлис билан бўлган савол-жавобни ҳавола қиламиз.

– «Матиз» ютиш учун келган эдингизми, футбол кўриш учунми?
– Ўғлим футбол кўрамиз дегани учун келгандим (Мухлис ўйинга ўғилчаси билан келганди).

– Декам машинани ўғлингиз ютди, десак ҳам бўларканда?
– Ҳа.

– Машинангиз бор эдими?
– Йўқ, бу биринчиси.

– Қайси жамоа ғалаба қозонишини хоҳлагандингиз?
– «Пахтакор».

– Нима учун стадионга чиқишингиз қийин бўлди?
– Ғолиб бўлганимни айтсам, мухлислар бақириб, ўғлим қўқриши мумкин эди, шунинг учун секин ташқарига чиқиб келдим.

– Касбингиз?
– Касбим стаматолог.

– Энди ўйинларга тушиб турасизми?
– Албатта, доим тушиб тураман.