Европа чемпионлар лигаси якунланди. Финалда Мадриднинг икки жамоаси тўқнаш келишди. «Реал» фантастик ўйинда «Атлетико»ни 4:1 ҳисобида мағлуб этди ва қиролларга хос чемпионликни қўлга киритди. «Реал» - қирол ва буни исботлади. Ҳақиқий, ростакам, ҳақли ғалаба.

Ўйинни ҳар икки жамоа ҳам анча эҳтиёткор бошлади. Тўп анча вақт иккита жарима майдони ичида айланиб юрди. Кейинчалик қўполликлар билан ўйин очилиб кетди. 9-дақиқага келиб ўйиндаги энг муҳим (ҳозирча) воқеа содир бўлди. Диего Коста нимагадир уни алмаштиришлари сўради. Унинг эски жароҳати хуруж қилди ва Адрианга алмаштирилди. Бу ўзгариш олдиндан ўйланганга ўхшади. Чунки Адриан ўйинга жуда тез мослашиб кетди. «Реал»нинг асосий ҳужумлари Ди Мария орқали ривожланди. Лекин Миранда ҳимояда ақл боват қилмас аниқлик билан ўйнади. Дастлабки 30 дақиқадан ўтгач жамоалар жангни бошлашди. Қатор сариқ карточкалар ўз эгасини топди. 38-дақиқага келиб ўйинда ҳисоб очилди. Қанотдан узатилган тўпга ҳаводаги курашда ҳимоячилардан баланд сакраган Диего Годин дарвозага йўллади. Икер Касиляс олдинга чиқиб кетди ва тўп дарвозадан жой олди 0:1. Шу тариқа биринчи бўлим «индейслар»нинг ғалабаси билан якунланди.

Иккинчи бўлим «Реал»нинг устунлигида ўтди. Шундай бўлиши аниқ эди. Бўлим аввалида Криштиану Роналду жарима зарбасини амалга оширди. Унинг ақл бовар қилмас зарбасини Куртуа қайтарди. Кўп ўтмай ҳужумчига ҳаволатиб тўп узатишди, лекин Роналдуга яна омад етишмади. «Реал» жуда жуда кўп ҳужум қилди. Тўлиқ вақт давомида ҳужумда фақат «Реал» бўлди. Бейлнинг зарбалари ноаниқ бўлди, Ди Мариянинг юришлари ҳам ўхшамади. Лекин меҳнат самарасиз кетмади. Ҳакам томонидан қўшиб берилган тўртинчи дақиқада гол урди. Бош билан. Қўшимча вақтни кўрамиз.

Қўшимча ватқларда тўлиқ «Реал» устунлик қилди. Аввало Ди Мариянинг фантастик рейдидан кейин Бэйл ҳисобни очди. Анхелнинг зарбасини Куртуа қайтарди, лекин Бэйл бош билан дарвозаси ишғол қилди. Қўшимча вақт охирида Марсело дахшатли зарбаси билан дарвоза тўрини йиртиб юборай деди. Охирги дақиқада эса Роналду пенальтидан гол уриб ҳисобни йирик кўринишга келтирди.

Дўстлар, «Реал»дан бошқа ҳамма жамоанинг мухлислари. Тан олиш керак, бу йил «Реал» чемпионликка муносиб эди. Бу жамоа олдида бош эгиш керак. Ҳеч қачон зерикарли ўйин кўрсатмайдиган жамоани олқишлаш керак. Бу зўр жамоа. Енгилмас бўлмаса ҳам ажойиб, қувноқ жамоа. Ғалаба муборак, «Реал». Ғалаба муборак, «Бланкос».

Реал Мадрид Испания – Атлетико Испания 4:1 (0:1, 1:0, 0:0)
Голлар: 0:1 – 36 Годин, 1:1 – 90 Рамос, 2:1 – 110 Бэйл, 3:1 – 118 Марсело, 4:1 – 120, пенальти Роналду.
Реал Мадрид: Касильяс, Карвахаль, Рамос, Варан, Коэнтрау (Марсело, 59), Хедира (Иско, 59), Модрич, Ди Мария, Бэйл, Бензема (Мората, 79), Роналду.
Атлетико: Куртуа, Хуанфран, Миранда, Годин, Филипе Луис (Алдервейрелд, 83), Габи, Тиагу, Р. Гарсия (Соса, 66), Коке, Коста (Адриан, 9), Вилья.
Огоҳлантиришлар: Р. Гарсия (27), Рамос (27), Хедира (45), Миранда (53), Вилья (72), Хуанфран (74), Коке (86), Габи (100), Марсело (118), Годин (120), Роналду (120), Варан (120).