Ўзбекистон миллий терма жамоаси 24 майдан эътиборан Тошкентдаги ўқув-машғулот йиғинларини бошлади. Машғулотлар «Жар» стадионида олиб борилмоқда.
Эслатиб ўтамиз, Ўзбекистон миллий терма жамоаси 27 ва 29 май кунлари Олмалиқ ва Тошкент шаҳарларида Уммон миллий терма жамоасига қарши ўртоқлик учрашувларини ўтказади.
Ушбу учрашувларга тайёргарлик жараёнини Ўзбекистон миллий терма жамоаси 24 май, шанба куни бошлади. Аввалроқ, миллий терма жамоа бош мураббийи Миржалол Қосимов ушбу йиғинга 30 нафар футболчини таклиф қилгани ҳақида хабар берилган эди.
Машғулотларни олиб боришда Наманганнинг «Навбаҳор» футбол клуби бош мураббийи Бахтиёр Ашурматов ҳам иштирок этмоқда.
Қуйида Ўзбекистон миллий терма жамоасининг машғулот жараёнидан тайёрланган фоторепортаж билан танишишингиз мумкин. Суратлар муаллифи – Ҳасан Пирмуҳамедов (ЎФФ матбуот хизмати).
