Ўзбекистон миллий терма жамоаси 27 май, сешанба куни Уммон миллий терма жамоасига қарши ўртоқлик учрашувини ўтказди. Олмалиқ шаҳрида бўлиб ўтган баҳс 1:0 ҳисобида уммонлик футболчилар фойдасига ҳал бўлди.
29 май, пайшанба куни ҳар иккала терма жамоа вакиллари иккинчи ўртоқлик учрашувини ўтказишади. Ўйин Тошкентдаги «Жар» стадионида 19:00да бошланади. Учрашув чипталари 26 майдан «Жар» ва «Пахтакор» стадионларида сотилмоқда.
Қуйида Ўзбекистон ва Уммон терма жамоалари ўртасидаги биринчи ўртоқлик учрашувидан тайёрланган фоторепортаж билан танишишингиз мумкин. Суратлар муаллифи – Ҳасан Пирмуҳамедов (ЎФФ матбуот хизмати).
