Ўзбекистон - Уммон ўртоқлик ўйини танаффусида Максим Шацких, Улуғбек Бақоев ва Виктор Карпенколарнинг терма жамоа билан хайрлашув маросими ўтказилди. Биринчи бўлим тугаши билан ҳар иккала терма жамоа футболчилари ва ҳакамлар йўлак ҳосил қилишди ва мухлислар қаршисида учала футболчига эҳтиром кўрсатишди.

Ўзбекистон футбол федерацияси ва "Бунёдкор" клуби раҳбарияти учала футболчига эсдалик совринлари ва албатта, ўзбекона чопон ва дўппилар кийдирилди. Мухлислар тинимсиз қарсаклар остида уларни олқишлашди.

Максим Шацких қайта-қайта таъзим қилиб, мухлисларга ўз миннатдорчилигини изҳор қилди. Ўз клубларида ҳамон тўп суриб келаётган учала футболчи терма жамоадаги ўз ўринларини энди ёшларга бўшатиб беришди.

Бугун оқ рангли формада ҳаракат қилаётган терма жамоа орқага томонига "Спасибо, Шацких, Бакаев, Карпенко" ёзуви туширилган ёзувларда машғулотларда иштирок этишди.

Биз миллионлаб футбол мухлислари номида Максим Шацких, Улуғбек Бақоев ва Виктор Карпенкога ўзбек футболига қўшган ҳиссалари учун чексиз миннатдорчилик билдирамиз. Раҳмат сизларга фидойи йигитлар!