УЕФА чемпионлар лигасининг 2013/14 мавсуми рамзий терма жамоасини эълон қилди, дея хабар беради ташкилотнинг расмий сайти.

Рамзий терма жамоада 18 футболчининг номи келтирилган, улардан еттитаси ғолиб жамоа - "Реал" клубидан. Рамзий терма жамоанинг асосий таркиби аниқланмаган.

"Қироллик клуби" чемпионлар лигасининг 13та ўйинида бор-йўғи 8та гол ўтказган, шунинг учун рамзий терма жамоанинг ҳимоя чизиғида "галактикос"нинг уч футболчиси жой олган.

Чемпионлар лигасининг рамзий терма жамоаси:

Дарвозабонлар – Тибо Куртуа ("Атлетико"), Мануэль Нойер ("Бавария");

Ҳимоячилар – Диего Годин ("Атлетико"), Филипп Лам ("Бавария"), Даниэль Карвахаль ("Реал"), Пепе ("Реал"), Серхио Рамос ("Реал");

Яримҳимоячилар – Габи ("Атлетико"), Андрес Иньеста ("Барселона"), Тони Кроос ("Бавария"), Анхель Ди Мария ("Реал"), Лука Модрич ("Реал"), Хаби Алонсо ("Реал");

Ҳужумчилар – Марко Ройс ("Боруссия"), Диегу Коста ("Атлетико"), Арьен Роббен ("Бавария"), Златан Ибрагимович ("Пари Сен-Жермен"), Криштиану Роналду ("Реал").