"Челси" бош мураббийи Жозе Моуриньонинг фикрича, Россия термаси жаҳон чемпионатининг "Н" гуруҳида биринчи ўринни эгаллайди.

Унинг сўзларига қараганда 1/8 финалда Португалия ва Россия терма жамоалари дуч келади. Мутахассис бундан кейинги босқичга тахмин қилишдан бош тортди.

"Бельгия гуруҳ босқичини Россиядан кейин иккинчи ўринда якунлайди, - дея Моуриньонинг сўзларини келтиради La Derniere Heure. - 1/8 финалда Бельгия Германия билан, Россия эса Португалия билан дуч келади. G гуруҳида барча жамоалар очко олади. Ўйлашимча, плэй-оффда   Бразилия – Голландия, Испания – Мексика, Кот-д'Ивуар – Англия, Италия – Греция, Франция – Нигерия ва Аргентина – Швейцария учрашувларини кўришимиз мумкин".