Сизга яхши маълумки, мамлакатимизда спорт нашрлари ичида “ИнтерФУТБОЛ” ўз ўрни ва ўз овозига эга энг оммабоп газеталардан бири ҳисобланади. Ҳафтада 2 марта сешанба ва жума кунлари чоп этиладиган “ИнтерФУТБОЛ” шунингдек рус тилида ҳам нашр этилмоқда. Мазкур таҳририят ходимлари ўз анъаналарига содиқ ҳолда, ЖЧ-2014 муносабати билан футбол мухлисларига ажойиб совға ҳозирлашди.
Демак, бугун, яъни 4 июн кунидан А-3 форматдаги IFнинг 40 саҳифани ўз ичига олган махсус сони сотувга чиқди. Шак шубҳасиз у тўлалигича жаҳон чемпионатига бағишланган. Айниқса, ЖЧ-2014 иштирокчиларининг шиорлари, якуний таркиби ва футболчилар рақами берилган. Шунингдек, ЖЧлар тарихи, рекордлари, статистикалари, ҳомийлари, соврин жамғармалари ва бошқа қизиқарли маълумотлардан воқиф бўласиз. Бундан ташқари, газетхонлар ушбу махсус сон билан бирга газета ичидаги, оригинал тақвимни ҳам қўлга киритишади. Хуллас, “ЧЕМПИОН БЎЛИШ НАВБАТИ КИМДА?” сарлавҳаси остидаги газетамизнинг махсус сонини олинг ва бутун ЖЧ давомида зарур маълумотлар манбаига эга бўлинг.
Махсус сонда қуйидаги сарлавҳалар орқали ҳам қизиқарли мақолалар берилган:
- Бразилиянинг бардоши ва байрами;
- Пляжлар ва карнаваллар юрти;
- FIFA WORLD CUP рақамларда;
- Чемпионлар сардорлари ва устозлари;
- Талаб ҳам йўқ эмас;
- Ўйингоҳлар: 12 та кошона;
- Иштирокчилар мураббийлари ва уларнинг географияси: ким, қачон, қаерда?
- Энди Эрматовга мухлислик қиламиз...;
- Таништирувлар: давлат, тарих, таркиб, рақамлар...;
- Фақат энг, энг, энг;
- Компаниялар кураши;
- Лауреатлар сафи;
- Ибораларда мақсад мужассам... каби бошқа эсклюзив материалларни мутоала қилишингиз мумкин.
