ФИФАнинг айрим мутахассислари номлари сир сақланишини истаган ҳолда Бразилия ЖЧ-2014ни ўтказишга тайёр эмаслигини таъкидлашди.

«Биз кўриб турган ҳозирги ҳолат — қабул қилиб бўлмайдиган даражада. Бундай ҳолат бошқа такрорланмаслиги учун чуқур мулоҳаза қилишимиз лозим. Биз ҳаттоки минимал хавфсизлик кафолатларини ҳам бера олмаймиз.

Барчаси жуда-жуда ёмон аҳволда. Барчаси идеал даражада бўлмаслигини тахмин қилгандик, аммо муаммолар бу даражада бўлишини тасаввур қилмагандик.

Бразилиядаги стадионлар тўлган ҳолатда ҳали синовдан ўтмаган пайтда биз қандай қилиб бутун пленетага жаҳон чемпионатини кўрсатамиз? Ҳеч бир спорт турида бунга йўл қўйиб бўлмайди. Бахтсиз тасодиф рўй берса, бунинг учун масъулиятни ким ўз зиммасига олади?» – дейди ФИФА мутахассиси.

Шунингдек, ФИФА вакилининг фикрича, мамлакатда иш ташлашлар, жумладан транспорт ходимларининг иш ташлаши юзага келадиган бўлса, бу ҳамма катта муаммога сабаб бўлиши мумкин. Масалан, шанба куни Сан-Паулудаги метро ишчилари иш ташлашди. Натижада шаҳарда муаммо юзага келди. 12 июнь куни ЖЧнинг очилиш ўйини бўладиган Сан-Паулуда ҳар куни 4,5 млн йўловчи ташилади.