Қозоғистоннинг Тараз вилоятида спорт устаси Антон Шох хотирасига бағишлаб ўтказилаётган халқаро турнирда плей-офф баҳслари бўлиб ўтди. Отабек Ғуломхўжаев бошчилгидаги “Бунёдкор” футбол мактабининг 2000 йилда таваллуд топган жамоаси ярим финалда ҳам ғалабали юришини давом эттирди.

Волгограднинг “Ротор” жамоасига қарши кечган учрашувда ёш “қалдирғочлар” 3:1 ҳисобида зафар қучишди ва турнир финалига йўл олишди. Ярим финалнинг бошқа жуфтлигида мезбонлар – Таразнинг “Монтажник” жамоаси катта қийинчилик билан Екатеринбургнинг “Урал” клубини 3:2 ҳисобида енгишга муваффақ бўлди.

Бугун турнирда сўнгги учрашувлар бўлиб ўтади ва унда қуйидаги жуфтликлар куч синашишади.

7-ўрин учун: “Спарта” (Томск) – 5-БЎСМ (Тараз).
5-ўрин учун: Тошкент терма жамоаси – “Абдиш-Ота” (Кант)
3-ўрин учун: “Ротор” (Волгоград) – “Урал” (Екатеринбург)
Финал: “Бунёдкор” (Тошкент) – “Монтажник” (Тараз).

Эслатиб ўтамиз, финал иштирокчилари гуруҳ баҳсларида ҳам учрашишган ва унда жамоамиз 4:2 ҳисобида зафар қучганди. Бугунги ҳал қилувчи учрашувда ҳам ёш “қалдирғочлар”га омад тилаб қоламиз!