“Бунёдкор” – “Олмалиқ” учрашувидан кейинги матбуот анжуманининг иккинчи қисмида тошкентликлар устози қатнашди.

- Иккинчи қийин ўйин. Руҳий томондан ўзимизга кела олмаётганимиз учун бизга осон бўлмаслигини билардим. Шу кунлардаги ўйинлар бизга қийин ўтишини сезгандим. Ютиб туриб, сўнгги дақиқада гол ўтказиб юбориш аламли. Бизда вақт бор. “Бунёдкор” ўзига келиб олишига ва кетма-кет ғалабалар қозонишига ишонаман. Секин-аста функционал ҳолатимизни тиклаб боряпмиз. Футболчиларга эътирозим йўқ. Улар ишлашяпти, ҳаракат қилишяпти. Агар ўтган ўйин билан солиштирадиган бўлсак, ўзгаришлар кўзга ташланяпти. Эртами-кечми юқори чўққимизга чиқа оламиз. Яна бир карра айтаман, ҳаммаси яхши бўлишига ишонаман. Давралар оралиғида таркибда ўзгаришлар бўлади. Яширмайман, айни пайтда кузатиб бораётган хорижлик ва маҳаллий ўйинчиларимиз бор. Янгиларни олиб келишдан мақсад, ҳозирги футболчилардан қониқмаяпмиз, дегани эмас. Аксинча мақсадимиз – таркибдаги рақобатни кучайтириш, - дейди Сергей Иванович.