Профессонал футболчиларнинг ҳалқаро ассоциацияси (FIFPro) ўз сайтида Бразилиянинг Манаус шаҳридаги стадионнинг майсаси жаҳон чемпионатига яроқсиз деб хабар берди.
Гап шундаки, стадион майсаси Манаусдаги дарё тошқинидан зарар кўрган. ФИФА матбуот котиби Делия Фишернинг сўзларига қараганда Манаусдаги стадион майсасининг ёмон ҳолати, у ерда биринчи бўлиб майдонга тушадиган Англия ва Италия ўртасидаги учрашувнинг ўтказилишига тўсқинлик қилмайди.
Шунингдек, Манаусда Камерун-Хорватия, Гондурас-Швейцария , АҚШ-Португалия учрашувлари бўлиб ўтиши керак.
