Чорак финал жавоб беллашувида “Оқ-тепа“дан яна йирик ҳисобда устун келган "Пахтакор" ярим финалга йўл олди.

Дастлабки баҳс 7:1 ҳисобида тугагани сабабли жавоб баҳси расмиятчиликка айланиб қолганди. Ўйин бошидан устунликни қўлга олган мезбонлар тез орада ҳисобни йириклаштириб қўйишди. Болтабоев Солиевнинг тўп оширишидан унумли фойдаланди. Иккинчи гол Андреев ҳисобига ёзилди. У Каримовнинг устунга тегиб қайтган зарбасидан кейин тўп киритди. 20-дақиқада Солиев чап қанотдан дарвозага яқинлашиб келди ва ўткир бурчакдан Парвановни доғда қолдирди – 3:0. Биринчи бўлимда ҳар икки жамоа кескин вазиятларни юзага келтирди, лекин танаффусга қадар ҳисоб ўзгармади.

Иккинчи бўлим бошида Андреев орадаги фарқни оширди. У жарима майдони ичидан аниқ зарба йўллади. Солиев эса 81-дақиқада Иброҳимовга ишлатилган қўполлик учун белгиланган пенальтидан унумли фойдаланди. Ўйин охирида Аҳмаджонов ҳисобни қисқартирди. "Пахтакор" ярим финалда “Локомотив” билан майдонга тушади.

Ўзбекистон кубоги, чорак финал, жавоб ўйини
“ПАХТАКОР” – “ОҚ-ТЕПА” – 5:1 (3:0)
18 июнь. Тошкент. “Пахтакор” Марказий стадиони. 312 томошабин.
Ҳакамлар: М.Муҳаммедов, Ф.Ҳасанов, Р. Ғафуров.
Назоратчи: И.Шарипов.
“Пахтакор”: Рибкин, Мерзляков, Кримец (Соҳибов, 43), Миладинович, Ҳошимов, Болтабоев, Тожиев, Махарадзе (Рогованов, 62), Каримов (Иброҳимов, 56), Андреев, Солиев.
“Оқ-тепа”: Парванов, Свиридов, Турдиев, Павленко (Мирзааҳмедов, 64), Прохоров (Х.Йўлдошев Х., 74), Тешабоев, Магдеев, Усмонхўжаев (Х.Йўлдошев Н., 58), Қорақулов, Шоғуломов, Аҳмаджонов.
Голлар: Болтабоев, 4 – 1:0. Андреев, 10 – 2:0. Солиев, 20 – 3:0. Андреев, 47 – 4:0. Солиев, 81-пен – 5:0. Аҳмаджонов, 88 – 5:1.
Биринчи ўйин - 7:1