Хабарингиз бор, Камерун терма жамоаси иккинчи турда Хорватия терма жамоасига 0-4 ҳисобида имкониятни бой берди ва натижада африкаликларнинг ЖЧдаги иштироки гуруҳ баҳсларидаёқ якунига етадиган бўлди. Ушбу ўйиннинг 40-дақиқасида Александр Сонг Марио Манджукичга нисбатан нопрофессионалларча ишлатган қўполлиги учун Проенса томонидан қизил карточка кўрсатилиб, майдондан челатилди. Шундан сўнг, 10 киши бўлиб қолган камерунликлар дарвозларидан учта гол олиб чиққан ҳолда, мусобақани эрта тарк этадиган бўлишди.
Гарчи аллақачон кеч бўлган бўлса-да, Александр Сонг терма жамо аъзоларидан ва мухлислардан кечирим сўради.
"Терма жамоамни ва ўзимни қийин вазиятда қолдирганим учун ҳозир жудаям хафаман. Ўша вазиятда ўзимни ахмоқона тутдим ва бунинг учун кечирим сўрайман. Агар ҳаммасини орқага қайтаришнинг иложи бўлса, бошқа бундай қилмаган бўлардим. Илтимос, мени кечиринг".
