Швейцария терма жамоаси бош мураббийи Оттмар Хитцфельд ЖЧ-2014 гуруҳ босқичида Францияга қарши ўйиндан сўнг (2:5) фикрларини билдирди.
"Бу кун Швейцария термаси учун қора кун бўлди. Биз ўз даражамизни кўрсатмадик. Ўйинни бошидаёқ 0:2 ҳисобни тўғрилаш осон иш эмас эди, Франция эса бизнинг хатоларимиздан фойдаланишда давом этди.
Танаффусда футболчиларнинг боши эгик бўлсада, жамоа айбдорларни қидириб ўтирмади. Улар иккинчи бўлимда ўзларига келиб, яхшироқ ўйнадилар, шуниси жуда ҳам муҳим.
Оқибатда икки гол уришга эришдик ва энди кейинги босқичга чиқиш имкониятимиз бор. Ҳаммаси ўз қўлимизда, аммо аввал хатоларимизни кўиб чиқишимиз керак", - дейди Хитцфельд.
Швейцария ҳал қилувчи баҳсни 26 июнь куни Гондурасга арши ўтказади.
