Жаҳоннинг амалдаги чемпиони Испания терма жамоаси илк турда Голландия терма жамоасига ва иккинчи турда Чили терма жамоасига имкониятни бой бериб, ЖЧ-2014 баҳсларидан чиқиб кетди ва улар расмиятчилик учунгина сўнгги турда Австралия терма жамоаси блан баҳс олиб боришади. Ушбу ўйиндан аввал Испания терма жамоаси ярим ҳимоячиси Давид Сильва бўлиб ўтган воқеаларга ўз муносабатини бидириб ўтди.
"Ўйлашимча, барчамиз хато қилдик. Бу ерда айбдор битта инсон эмас. Рақибларимиз биздан яхшироқ эди. Баҳона излашдан фойда йўқ. Ютқазишни ҳам ўрганишимиз шарт. Барча милий чемпионатлар қишда ўтказилмоқда ва бир хил турнир жадвалига эга. Англияда ҳам қишки таътил йўқ, шунингдек Испанияда ҳам бир ҳафта дам олинади, холос. Бу баҳона бўлолмайди".
"Яқин йиллардаги муваффақиятлардан сўнг уйга қуруқ қўл билан қайтиш терма жамоа учун оғир.".
Шунингдек, 28 ёшли футболчи ўзининг терма жамоадаги келажаги ҳақида ҳам фикр билдирди.
"Терма жамоадаги футболчиларнинг ёши улғайиб бормоқда ва жамоани кучайтириш учун янги ёш футболчилар жалб этилмоқда. Ҳар доим шундай бўлиб келган. Ишончим комилки, янги қўшиладиган футболчилар терма жамоага кўпроқ нарса беришади. Терма жамоадаги менинг келажагим қандай? Мен Испания учун ўйнашда давом этаман, ниятим давом этиш, бироқ барчаси мураббийнинг қарорига боғлиқ".
