Хабарингиз бор, Голландия терма жамоаси муддатидан аввал нимчорак масаласини ҳал қилди ва бугун ушбу терма жамоа Чили билан баҳс олиб боради.
Айнан Голландия терма жамоасининг кўрсатаётган ўйинлари ҳақида голландиялик мутахассис Йохан Круифф ўз фикрларини билдириб ўтди.
"Агар "учар голландлар"нинг икки ўйинларини таҳлил қиладиган бўлсак, биз икки ҳолатни кўришимиз мумкин бўлади: биз кейинги бочқич масаласини ҳал қилдик ва бу муваффақият. Иккинчи томондан эса, биз кўрсатаётган ўйин яхши эмас. Шунинг учун ҳам мен Голландия - Чили учрашувини интизорлик билан кутяпман. Менга Гана терма жамоасига қарши баҳсда ўйини қовушмаётган вақтда ҳам ўз ўйин услубини сақлаб қолган Германия терма жамоаси ёқди. Голландия ҳам шундай ўйин кўрсатиши керак. Албатта, натижалар яхши, бироқ биз энди яхши футбол ўйнашни бошлашимиз шарт" дейди голландиялик мутахассис.
