Бельгия терма жамоаси яримҳимоячиси Эден Азар ЖЧ-2014 1/8 финалида АҚШга қарши кечган учрашувдан сўнг (2:1) фикрларини билдирди.

"Биз 90 дақиқа ичида ҳам ғалаба қозонишимиз мумкин эди. Ҳисоб 3:0 ёки 4:0 бўлши мумкин эди, агар янада йирикроқ бўлмаса.

Аммо якунда ғалаба қозонишимизга шубҳа қилмадик. Америкаликлар 90 дақиқаликнинг энг сўнгида яхши имкониятга эга бўлишди, шундан сўнг биз ўзимизга дедик: "ҳаммаси бизнинг фойдамизга қараб кетмоқда".

Иккала жамоа ҳам чарчаб қолди. Агар пенальтилар тепилганда имкониятлар 50 га 50 бўлар эди. Бу шунчаки рус рулеткаси", - дейди Азар.