«Арсенал» клуби «Барселона» ҳужумчиси Алексис Санчеснинг трансфери учун расмий таклиф юборди. Лондонликлар футболчини харид қилиш учун каталонияликларга 40 миллион евро сарфлашга тайёрлар.
«Канонирлар» бош мураббийи Арсен Венгер Чили терма жамоаси ҳужумчисини қўлга киритишга ёзги трансфер муддатининг бош мақсади сифатида қарамоқда. Франциялик мутахассис яқин орада футболчининг агенти билан учрашади ва ўйинчининг шахсий шартномасини муҳокама қилади.
Маълумотларга қараганда, "Арсенал" таклиф қилаётган сумма «Барселона»ни қаноатлантиради ва ундан тушган маблағни каталонияликлар бошқа трансферлар учун сарфлашади.