«Реал» клуби «Бавария» ярим ҳимоячиси Тони Кроосни қўлга киритиш борасида музокараларни якунига етказди.
"Marca" нашри маълумотига кўра, футболчининг трансфери 25 миллион еврога тенг бўлди. Аввалроқ 24 ёшли футболчининг йиллик маоши 5 миллион евродан иборат бўлиши маълумот бериб ўтилганди.
Эслатиб ўтамиз, Крооснинг «Бавария» билан амалдаги шартномаси 2015 йилда якунига етади. Ўйинчининг ўзи Мюнхен клуби билан янги шартнома имзолашни истамаганди.
Крооснинг агенти Фолькер Штрут аввалроқ баёнот бериб, футболчининг келажаги борасида саволларга ЖЧ-2014дан кейин ойдинлик киритишини таъкидлаганди.