Бразилия терма жамоаси сардори Тиагу Сильва ЖЧ-2014 чорак финалида Колумбия термасига қарши учрашувидан сўнг (2:1) сариқ карточкалари тўпланиб қолганлиги сабабли яримфиналда Германияга қарши майдонга туша олмаслигидан афсусланмайди.
Сильва ўзининг ўрнида ўйнайдиган футболчига қаттиқ ишонади.
"Яримфиналда ўрнимга ким тушишини биламан. Бунга ҳеч шубҳа қилмайман. Ишонаманки, жамоа менинг йўқлигимни билдирмайди. Баъзилар ўйин олидадан Тиагу Сильванинг сардорликка лойиқ эмаслиги ҳақида гапирган эдилар.
Тўғрисини айтсам, шаънимга бундай гаплар эшитиш оғир. Мен учун ўйинга бор маҳоратимни ишга солишим муҳим. Сариқ карточкага келсак, мен унга лойиқ эмасдим. Жаҳон чемпионати яримфиналини ўтказиб юбриш учун ҳеч нарса қилмадим" - дейди Сильва.
