"Барселона" ва "Ливерпуль" жамоалари ўртасида Луис Суарес трансфери юзасидан олиб борилаётган музокаралар якуний босқичга кирди. Бу ҳақда Football Espana интернет сайти хабар тарқатди.
Маълумотларга кўра, "Барселона" трансфер баҳосини 75 млн. еврога туширишга муваффақ бўлишган. Мерсисайдликлар эса Суарес учун 100 млн. евро сўрашган. 27 ёшли футболчининг ўзи билан 5 йиллик шартнома имзоланади.
Британиянинг Sky Sports порталига кўра, трансфер мазкур дам олиш кунлари расмийлаштирилиши кутилмоқда.
Тўрт ойлик дисквалификация муддатини ўтаётган Суаресга ФИФА трансферни амалга ошириш мақсадида тиббий кўрикдан ўтишга рухсат берди. Футболчининг ўзи майдонга октябрь ойининг сўнгида қайта олади.