“Монако” ярим ҳимоячи Хамес Родригесни “Реал” жамоасига 80 миллион евро эвазига сотиб юборишга тайёр, деб хабар беради AS нашри.
Манба кўра, шартномага Мадрид клубининг ўйинчилари — Фабиу Кэнтрау, Каземиро, Альваро Мората ёки Диего Лопес ҳам қўшилиши мумкин.
Монако колумбиялик футболчини “Порту”дан 45 миллион еврога сотиб олганди. Хамес Родригеснинг “Монако” билан шартномаси тўрт йилдан кейин якунланиши керак эди.
ЖЧ-2014дан олдин футболчининг трансфер нархи 35 миллион еврога баҳоланганди. Ҳозирги вақтда эса Хамес Родригес 6та гол билан жаҳон чемпионатининг энг яхши тўпурари бўлиб турибди.













