ФИФА Бразилия Футбол Конфедерацияси томонидан Тиаго Силванинг Колумбия билан бўлган чорак финал баҳсида олган сариқ карточкасини бекор қилиш ҳақида берган аппеляциясини кўриб чиқиб, ўз қарорини эълон қилди.
Ёдингизда бўлса, Колумбия терма жамоаси билан ўйинда, рақиб дарвозабонига тўпни ўйинга киритишда халал бергани учун Сильва ҳакам томонидан огоҳлантирилган эди ва бу огоҳлантириш Сильва учун мусобақадаги иккинчи огоҳлантириш бўлиб, ушбу карточка Сильванинг Германия билан бўладиган япим финал баҳсида майдонга тушмаслигини "кафотлайди".
ФИФА Тартиб-интизом қўмитаси бразилияликларнинг ушбу ҳолат атайин қилинмаганлигини таъкидлашига қарамай, сариқ карточкани бекор қилиш учун ҳеч қандай қонуний асос йўқ эканлигини таъкидлади ва сариқ карточка ўз кучида қолди.
Эслатиб ўтамиз, Бразилия ЖЧ ярим финал баҳсида Германия терма жамоасига қарши баҳс олиб боради ва ушбу ўйин 9 июль куни бўлиб ўтади.
