Бельгия терма жамоасининг собиқ дарвозабони Жан-Мари Пфаф ЖЧ-2014 чорак финалида голландиялик посбон Тим Крулнинг Коста-Рика билан учрашувдаги пенальтилар сериясидаги ҳаракатлари ҳақида фикр билдирди.
"Бу ғалати бўлди. У икки пенальтини ажойиб равишда қайтарди, аммо унинг ҳаракатлари менинг жаҳлимни чиқарди.
Рақибларни масхара қилиш, гиж-гижлаш ва сўкиш мумкин эмас. Бу рақибни ҳурмат қилиш ва фейр-плэйга тўғри келмайди. У ўзини жангчидай тутди. Буни кўрган болалар нима деб ўйлашди?
Ҳакам ҳаммасини тўғри деб топди. У аввал сариқ, агар Крул қилиғини тўхтатмаса - қизил карточка кўрсатиши керак эди. ФИФА бунга аралашиши керак. Бундай қилиқларга чек қўйиш керак", - дейди Пфаф.
Эслатиб ўтамиз, қўшимча вақтнинг сўнгги дақиқасида Тим Крул асосий дарвозабон Яспер Силессенни алмаштирган эди.
