Бразилиядаги Жаҳон чемпионатида ўзининг чиройли ўйини билан мухлислар ва мутахассислар эътиборига тушган колумбиялик футбочи Хамес Родригес Мадриднинг "Реал" клубига кўзини юмиб ўтишга рози эканлигини билдирди. 

"Ҳозир ЖЧдан сўнг таътилда дам олмоқдаман. Менимча ушбу мусобақа мен учун ҳам, Колумбия учун ҳам ажойиб ўтди. Ҳозирча "Монако"да ўзимни яхши ҳис қиляпман. Таътилдан қайтгач трансферим ҳақида гаплашиб оламан. Агар қайсидир клубга ўтиш ҳақида гапириш керак бўлса, мен кўзимни юмиб "Реал"га ўтган бўлардим. Бошқа клубларга ҳурмат сақлаган ҳолда айтаман: "Реал" - бу "Реал". Ушбу жамоада ўйнаш менинг орзуим" футболчининг сўзларидан иқтибос келтирмоқда Марса нашри.

Эслатиб ўтамиз, 2013 йилда "Порту" сафидан "Монако"га қўшилган Хамес ўтган мавсумда 34 ўйинда майдонга чиқди ва 9 бор рақиблар дарвозасини ишғол қилиб, 14 та голли узатма беришга муваффақ бўлди.