ФИФА президенти Зепп Блаттер Уругвай терма жамоаси ҳужумчиси Луис Суареснинг дисквалификацияси ҳақида фикр билдирди.
"ФИФАдаги интизом масалаларини мустақил қўмиталар ҳал қилади. Бизда энди демократик система бор.
Суаресга келсак, футболчи учун бундай жазо қандайлигини яхши тушунаман. Мен унинг футболга қайтишига умид қиламан. У ўзи ўйнаган ўйинларда техника, гол уришга бўлган интилишларни намоён этди.
Менинг биринчи таассуротим - очилиш учрашуви бўлди. Тўпга биринчи зарба берилгандаёқ, бу мамлакатда нимадир ўзгаришини айтган эдим. Шундай бўлиб чиқди. Бунда ниманидир сезиш мумкин эди. Испания-Голландия учрашувида эса, айниқса, иккинчи бўлимда, қандайдир ўзгача воқеа содир бўлишини ҳис қилдим", - дейди Блаттер.
