«Арсенал» Сами Хедиранинг трансфер суммаси борасида «Реал» билан келишувга эришди.
"Marca" нашрининг хабар беришича, лондонликлар Германия терма жамоасининг 27 ёшли футболчиси учун 25 миллион евро тўлайдилар. Энди «Арсенал» ва Хедире шахсий шартномани келишиб олиш масаласи қолди. Ярим ҳимоячи йилига 7 миллион евро (ҳафтасига 105 минг фунт) сўраётган бўлса, "канонирлар" унга камроқ сумма (ҳафтасига 90 минг фунт) таклиф қилишмоқда. Шу ҳолат музокараларни мураккаблаштирмоқда.
Эслатиб ўтамиз, Хедира «Реал» билан амалдаги шартномани узайтиришдан бош тортди ва бир йилдан кейин эркин агентга айланиши мумкин.