“Локомотив” ярим ҳимоячиси, бухоролик Жасур Ҳасанов (16) учун мавсум ниҳоясига етди. Ҳасанов Ўзбекистон Кубоги ярим финал доирасидаги ўйинда тиззасидан жароҳат олган эди. Австриядаги йиғин давомида унинг ушбу жароҳати яна безовта қилди. У тезкорлик билан Германиядаги шифохоналардан бирига олиб борилиб, тиббий кўрикдан ўтказилди.

Текширувлар натижасида Ҳасановнинг тиззасидан олган жароҳати анча жиддий бўлиб чиқди. У эртага, 18 июль куни жарроҳлик амалиётини бошдан кечиради. Шифокорлар Жасурни олти ой давомида майдонга туша олмаслигини маълум қилишмоқда.

Шундай қилиб, Ҳасанов учун ушбу мавсум ниҳоясига етди.